ໜ້າທີ່
1. ປະຕິບັດກົດໝາຍ, ດໍາລັດ, ນິຕິກໍາອຶ່ນຂອງຂັ້ນເທິງ ແລະ ນິຕິກໍາຕ່າງໆຂອງກະຊວງກະສິກໍາ ແລະ ປ່າໄມ້;

2. ຄົ້ນຄວ້າ, ເຊື່ອມຊຶມ ຜັນຂະຫຍາຍແນວທາງນະໂຍບາຍຂອງພັກ ແລະ ລັດຖະບານ ກ່ຽວກັບວຽກງານກະ ສິກໍາ, ປ່າໄມ້ ແລະ ພັດທະນາຊົນນະບົດ, ສຸມໃສ່ຜັນຂະຫຍາຍ ແລະ ຈັດຕັ້ງປະຕິບັດວາລະແຫ່ງຊາດໂດຍສະເພາະ ສົ່ງເສີມການຜະລິດພາຍໃນເພື່ອທົດແທນການນຳເຂົ້າ ແລະ ສົ່ງອອກ ເພື່ອສ້າງຖານລາຍຮັບທີ່ແຂງແຮງດ້ວຍການຫັນໃຫ້ເປັນແຜນງານ, ໂຄງການ ພ້ອມທັງຄຸ້ມຄອງ ແລະ ຈັດຕັ້ງປະຕິບັດໃຫ້ໄດ້ຮັບຜົນດີ; ສ້າງ, ປັບປຸງ, ໂຄສະນາເຜີຍແຜ່ ແລະ ກວດກາປະເມີນຜົນການຈັດຕັ້ງປະຕິບັດ ບັນດາກົດໝາຍ, ນິຕິກຳລຸ່ມກົດໝາຍ, ນະໂຍບາຍ, ແຜນຍຸດທະສາດ, ແຜນງານ ແລະ ໂຄງການກ່ຽວກັບ ຂະແໜງການລ້ຽງສັດ ແລະ ການປະມົງ;

3. ສ້າງຮ່າງຍຸດທະສາດ ແລະ ນະໂຍບາຍກ່ຽວກັບວຽກງານລ້ຽງສັດ, ສັດຕະວະແພດ ແລະ ປະມົງ ເພື່ອສະ ເໜີລັດຖະມົນຕີ ກະຊວງກະສິກໍາ ແລະ ປ່າໄມ້ ຮັບຮອງ; ສ້າງແຜນງານ, ແຜນການ ແລະ ໂຄງການລ້ຽງສັດ ແລະ ສັດນ້ຳເປັນສິນຄ້າ, ໂຄງການປຸງແຕ່ງຜະລິດຕະພັນສັດໃນແຕ່ລະຊະນິດສັດ ເພື່ອຮັບໃຊ້ພາຍໃນທົດແທນການນໍາເຂົ້າ ແລະ ສົ່ງອອກ ເປັນຕົ້ນແມ່ນສັດ-ຜະລິດຕະພັນສັດ ທີ່ມີທ່າແຮງ, ມີສັນຍາກັບປະເທດຄູ່ຄ້າແລ້ວ ເພື່ອສະເໜີລັດຖະມົນຕີ ກະຊວງກະສິກໍາ ແລະ ປ່າໄມ້ ພິຈາລະນາອະນຸມັດ ພ້ອມທັງຈັດຕັ້ງປະຕິບັດໃຫ້ໄດ້ຮັບຜົນດີ;

4. ສຸມທຸກກຳລັງແຮງ ເພື່ອຊຸກຍູ້ສົ່ງເສີມການຜະລິດທາດຊີ້ນໃຫ້ພຽງພໍ ເພື່ອຄ້ຳປະກັນຄວາມໝັ້ນຄົງທາງດ້ານສະບຽງອາຫານ ແລະ ໂພຊະນາການ, ມີວັດຖຸດິບປ້ອນໂຮງງານປຸງແຕ່ງ, ມີຜົນຜະລິດສົດ, ສະອາດ ແລະ ປອດໄພ ເພື່ອຊົມໃຊ້ພາຍໃນທົດແທນການນຳເຂົ້າ;

5. ຍູ້ແຮງການລ້ຽງສັດ, ການປະມົງ ເປັນສິນຄ້າ ແບບເປັນຟາມ ເປັນການຜະລິດທີ່ທັນສະໄໝ ໂດຍມີການກໍານົດເຂດລ້ຽງ ຕິດພັນກັບການປຸງແຕ່ງ ແລະ ການຕະຫຼາດ ຕາມທ່າແຮງທີ່ໄດ້ປຽບຂອງທ້ອງຖິ່ນ ແລະ ເຂດແຄວ້ນ, ຊຸກຍູ້ການພັດທະນາ ວິສາຫະກິດ, ຟາມ, ຄອບຄົວຕົວແບບ ໃນການຜະລິດສິນຄ້າສົດ, ຊີ ວະພາບ, ສະອາດ, ຜະລິດສິນຄ້າທີ່ເປັນທ່າແຮງໄດ້ປຽບເພື່ອສົ່ງອອກຕ່າງປະເທດ ໂດຍສອດຄ່ອງກັບມາດ ຕະຖານສຸຂານາໄມຂອງປະເທດຄູ່ຄ້າ;

6. ຄົ້ນຄວ້າ, ກໍານົດມາດຕະຖານການລ້ຽງສັດທີ່ດີ (GAHP), ກໍານົດມາດຕະຖານ ແລະ ພັດທະນາວຽກງານການກວດກາ, ຢັ້ງຢືນ, ຂຶ້ນທະບຽນ, ຮັບຮອງມາດຕະຖານ ຟາມລ້ຽງສັດ-ສັດນໍ້າ, ໂຮງງານອາຫານສັດ, ໂຮງປະສົມອາຫານສັດ, ໂຮງຂ້າສັດ, ບ່ອນຂ້າສັດຍ່ອຍ, ໂຮງປຸງແຕ່ງຜະລິດຕະພັນສັດ ແລະ ສະ ຖານທີ່ເກັບຮັກສາຜະລິດຕະພັນສັດ-ສັດນໍ້າ, ໂຮງງານຢາສັດຕະວະແພດ, ການຂົນສົ່ງ ແລະ ຕະຫຼາດສິນ ຄ້າກ່ຽວກັບສັດ-ສັດນໍ້າ, ກົນຈັກ ແລະ ເຄື່ອງມືອຸປະກອນ ຮັບໃຊ້ການລ້ຽງສັດ ແລະ ການປະມົງ;

7. ຄົ້ນຄວ້າ, ສ້າງ ແລະ ປັບປຸງພື້ນຖານໂຄງລ່າງດ້ານເຕັກນິກ ແລະ ວິຊາການ ເພື່ອນໍາໃຊ້ເຂົ້າໃນຂະບວນການວິໄຈ, ທົດລອງຢັ້ງຢືນມາດຕະຖານສິນຄ້າກະສິກໍາ, ປັດໄຈການຜະລິດ ຮັບໃຊ້ພາຍໃນ, ການນໍາເຂົ້າ ແລະ ສໍາລັບສົ່ງອອກ;

8. ຄົ້ນຄວ້າກໍານົດລາຍການ ແລະ ບັນດາມາດຕະການສົ່ງເສີມການລ້ຽງສັດ-ສັດນໍ້າ ຮັບໃຊ້ພາຍໃນທົດແທນການນໍາເຂົ້າ ເພື່ອປົກປ້ອງຜູ້ຜະລິດພາຍໃນ ພ້ອມທັງວາງແຜນດຸນດ່ຽງການຜະລິດພາຍໃນ ແລະ ການນໍາເຂົ້າສິນຄ້າກ່ຽວກັບສັດ, ຜະລິດຕະພັນສິນຄ້າກ່ຽວກັບການປະມົງ; ຄົ້ນຄວ້າ, ສັງລວມມາດຕະຖານເງື່ອນ ໄຂ, ດ້ານເຕັກນິກ ແລະ ຄຸນນະພາບ ສິນຄ້າທີ່ມີສັນຍາ (SPS) ແລ້ວ, ສຶກສາ ແລະ ຄົ້ນຄວ້າວິທີການ, ຂັ້ນຕອນ, ມາດຕະຖານ, ລະບຽບການ, ວິເຄາະວິໄຈຕະຫຼາດ ຂອງບັນດາປະເທດທີ່ມີຄວາມຕ້ອງການສິນ ຄ້າກະສິກໍາ ຂອງ ສປປ ລາວ ເພື່ອກໍານົດຊະນິດສິນຄ້າ, ປະເພດສັດ ບຸລິມະສິດສົ່ງອອກຂອງປະເທດເຮົາ ທີ່ມີທ່າແຮງ, ມີສັນຍາຊື້ຂາຍແລ້ວ; ປະສານ ແລະ ເຈລະຈາເຕັກນິກເປີດຕະຫຼາດ ຢ່າງເປັນທາງການສໍາລັບສົ່ງອອກສັດ, ຜະລິດຕະພັນສັດ ແລະ ສັດນໍ້າ ກັບປະເທດຄູ່ຄ້າ ຕາມມາດຕະຖານສາກົນ ທີ່ ສປປ ລາວ ເປັນພາຄີ;

9. ຄຸ້ມຄອງ, ກວດກາ, ຢັ້ງຢືນມາດຕະຖານການລ້ຽງສັດທີ່ດີ (GAHP), ສຸຂານາໄມ ໃນການນໍາເຂົ້າ, ສົ່ງອອກຜະລິດຕະພັນສັດ-ສັດນໍ້າ, ຄຸ້ມຄອງການນໍາເຂົ້າ ປັດໄຈການຜະລິດ ເປັນຕົ້ນ ຢາປົວພະຍາດສັດ, ຢາວັກຊິນ, ສານກະຕຸ້ນ, ອຸປະກອນການສັດຕະວະແພດ, ອາຫານສັດ, ແນວພັນສັດ-ສັດນໍ້າ, ແນວພັນປາ, ກົນຈັກ ແລະ ເຄື່ອງມືອຸປະກອນ ຮັບໃຊ້ການລ້ຽງສັດ ແລະ ການປະມົງ; ເອື້ອອໍານວຍຄວາມສະດວກ ໃນການສົ່ງຜ່ານສິນຄ້າກະສິກໍາ ແລະ ປ່າໄມ້ ຈາກປະເທດຕົ້ນທາງຫາປະເທດປາຍທາງ ຕາມກົດໝາຍ ແລະ ລະບຽບການ;

10. ຄຸ້ມຄອງ, ຕິດຕາມ ແລະ ກວດກາ ວຽກງານກັກກັນສັດ, ການຄວບຄຸມການເຄື່ອນຍ້າຍຜະລິດຕະພັນສິນຄ້າກ່ຽວກັບສັດ, ຜະລິດຕະພັນສິນຄ້າກ່ຽວກັບການປະມົງ ແລະ ຜະລິດຕະພັນສິນຄ້າກ່ຽວກັບການສັດຕະວະແພດ ໃນການນໍາເຂົ້າ, ສົ່ງອອກ ແລະ ສົ່ງຜ່ານ ລວມທັງການຢັ້ງຢືນດ້ານສຸຂະພາບສັດ ແລະ ສຸຂານາໄມ;

11. ຄຸ້ມຄອງ, ຊຸກຍູ້, ສົ່ງເສີມ ແລະ ພັດທະນາ ໂຮງງານອາຫານສັດ, ໂຮງປະສົມອາຫານສັດ, ໂຮງຂ້າສັດ, ບ່ອນຂ້າສັດຍ່ອຍ, ໂຮງປຸງແຕ່ງຜະລິດຕະພັນສັດ ແລະ ສະຖານທີ່ເກັບຮັກສາຜະລິດຕະພັນສັດ-ສັດນໍ້າ, ໂຮງງານຢາສັດຕະວະແພດ, ການຂົນສົ່ງ ແລະ ຕະຫຼາດສິນຄ້າກ່ຽວກັບສັດ-ສັດນໍ້າ; ຄຸ້ມຄອງ, ກວດກາ ມາດຕະຖານການປຸງແຕ່ງທີ່ດີ, ສຸຂານາໄມ ແລະ ຄວາມປອດໄພໃນການປຸງແຕ່ງ, ການຫຸ້ມຫໍ່ ແລະ ອື່ນໆ ຢູ່ໃນໂຮງງານປຸງແຕ່ງ;

12. ຄົ້ນຄວ້າປັບປຸງບັນດານິຕິກໍາ, ກົນໄກ, ລະບຽບການ, ຂັ້ນຂອດ ແລະ ສິ່ງກີດຂວາງ ທີ່ເປັນອຸປະສັກ ແກ່ການດຶງດູດການລົງທຶນ, ເຄື່ອນໄຫວດໍາເນີນທຸລະກິດ, ການຜະລິດຂອງບັນດາບໍລິສັດ, ຜູ້ປະກອບການ, ຫົວໜ່ວຍການຜະລິດ, ຟາມ, ຄອບຄົວຕົວແບບ ໃຫ້ມີຄວາມວ່ອງໄວ, ໂປ່ງໃສ ແລະ ເປັນເອກະພາບ; ຄົ້ນຄວ້າ ແລະ ປະກອບຄຳເຫັນ, ໃຫ້ການປຶກສາ, ເອື້ອອໍານວຍຄວາມສະດວກ ໃຫ້ແກ່ການລົງທຶນພາຍໃນ ແລະ ຕ່າງປະເທດ ລວມທັງການສ້າງຕັ້ງ ແລະ ດໍາເນີນທຸລະກິດກ່ຽວກັບ ການລ້ຽງສັດ, ການສັດຕະ ວະແພດ ແລະ ການປະມົງ;
13. ພັດທະນາ, ວິເຄາະ-ວິໄຈ, ສ້າງຖານຂໍ້ມູນສະຖິຕິສັດ ແລະ ເຜີຍແຜ່ຂໍ້ມູນຂ່າວສານ ກ່ຽວກັບທີ່ດິນລ້ຽງສັດ ແລະ ແຫຼ່ງທີ່ຢູ່ອາໄສຂອງສັດນໍ້າ, ຂໍ້ມູນການລ້ຽງສັດ, ການສັດຕະວະແພດ ແລະ ການປະມົງ ປະຈໍາເດືອນ3 ເດືອນ, 6 ເດືອນ, ປີ ຢ່າງເປັນລະບົບໂດຍການນໍາໃຊ້ລະບົບເຕັກໂນໂລຊີທີ່ທັນສະໄໝໃຫ້ ສາມາດເຊື່ອມໂຍງທັງພາຍໃນ ແລະ ສາກົນ;

14. ຊຸກຍູ້ ສະໜັບສະຫນູນ ການພັດທະນາ, ປົກປັກຮັກສາ ແລະ ນຳໃຊ້ ແນວພັນສັດ-ສັດນໍ້າ, ການຜະລິດອາຫານສັດ ແລະ ການພັດທະນາກ່ຽວກັບທົ່ງຫຍ້າລ້ຽງສັດ;

15. ພັດທະນາການຜະລິດ, ສະໜອງ ແລະ ຂະຫຍາຍຕາໜ່າງການນຳໃຊ້ຢາສັດຕະວະແພດ ພ້ອມທັງການສະໜອງອຸປະກອນການສັດຕະວະແພດ; ພັດທະນາລະບົບການສືບຢ້ອນຫຼັງປະຫວັດຂອງສັດ, ຜະລິດຕະພັນສັດ-ສັດນໍ້າ, ດໍາເນີນການຂຶ້ນທະບຽນພິມສັດ;

16. ຄົ້ນຄວ້າ, ຂຶ້ນ ແລະ ແຈ້ງທະບຽນອາຫານສັດ, ຢາສັດຕະວະແພດ, ຜະລິດຕະພັນການສັດຕະວະແພດ, ວັດຖຸດິບ ສຳລັບຜະລິດອາຫານສັດ, ສານເຄມີສໍາລັບຜະລິດຢາສັດຕະວະແພດ, ເຊື້ອພັນພະຍາດສັດ ລວມທັງ ແນວພັນ, ນໍ້າເຊື້ອ, ໂຕອ່ອນ ຂອງສັດ-ສັດນ້ຳ;

17. ຄົ້ນຄວ້າ, ພິຈາລະນາສະເໜີຈົດລິຂະສິດ, ຂຶ້ນທະບຽນ, ແນວພັນສັດ-ສັດນໍ້າ, ສູດອາຫານສັດ, ພືດອາຫານສັດ, ພືດນໍ້າ, ຢາສັດຕະວະແພດ, ຜະລິດຕະພັນການສັດຕະວະແພດ ແລະ ອຸປະກອນລ້ຽງສັດ;

18. ສ້າງ, ປັບປຸງ ແລະ ຈັດຕັ້ງປະຕິບັດລະບົບ ເຝົ້າລະວັງ, ກັນ ແລະ ຄວບຄຸມພະຍາດສັດ-ສັດນໍ້າ ລວມທັງການພັດທະນາລະບົບຄວາມປອດໄພທາງດ້ານຊີວະພາບຂອງການລ້ຽງສັດ-ສັດນໍ້າ;

19. ປັບປຸງ ລະບົບການວິໄຈບົ່ງມະຕິພະຍາດສັດ-ສັດນໍ້າ, ວິໄຈຄຸນນະພາບ-ຄວາມປອດໄພ ຂອງອາຫານສັດ,ພືດອາຫານສັດ, ແຫຼ່ງວັດຖຸດິບອາຫານສັດ, ຢາສັດຕະວະແພດ, ຄຸນນະພາບນໍ້າສໍາລັບການລ້ຽງສັດ-ສັດ ນໍ້າ ແລະ ຜະລິດຕະພັນສັດ-ສັດນໍ້າລວມທັງການຕິດຕາມ ແລະ ຈໍາກັດເຊື້ອທີ່ຕ້ານຕໍ່ຢາຕ້ານເຊື້ອຈຸລະຊີບ;

20. ສ້າງ ແລະ ປັບປຸງຕ່າໜ່າງ, ຫຼັກສູດສັດຕະວະແພດ ແລະ ສ້າງສັດຕະວະແພດບ້ານ; ຊຸກຍູ້ສົ່ງເສີມການບໍລິການດ້ານການລ້ຽງສັດ, ການສັດຕະວະແພດ ແລະ ການປະມົງ ວິຊາຊີບສັດຕະວະແພດ, ສັດຕະວະ ແພດບ້ານ ແລະ ສົ່ງເສີມວຽກງານສະຫວັດດີການສັດ;

21. ກໍານົດບັນຊີລາຍຊື່ພະຍາດລະບາດຂອງສັດ-ສັດນໍ້າ, ຊະນິດສັດ-ສັດນໍ້າ, ລາຍການສານຊີວະພັນ-ເຄມີພັນ,ຢາສັດຕະວະແພດ ທີ່ມີຄວາມສ່ຽງ ເພື່ອຄວບຄຸມການແຜ່ລະບາດຂອງພະຍາດ, ປ້ອງກັນຊີວິດ, ສຸຂະພາບຂອງຄົນ, ສັດ ແລະ ສິ່ງແວດລ້ອມ;

22. ຄຸ້ມຄອງ ແລະ ຈັດຕັ້ງປະຕິບັດ ບັນດາໂຄງການງົບປະມານຂອງລັດ ແລະ ໂຄງການຮ່ວມມືກັບຕ່າງ ປະເທດ ກ່ຽວກັບວຽກລ້ຽງສັດ ແລະ ການປະມົງ ໃຫ້ໄປຕາມວຽກຈຸດສຸມຂອງກະຊວງ, ວຽກຈຸດສຸມຂອງລັດຖະບານໃນແຕ່ລະໄລຍະ ທັງຖືກຕ້ອງ ແລະ ສອດຄ່ອງກັບກົດໝາຍ ແລະ ລະບຽບການ; ມີການຕິດຕາມ, ກວດກາ ແລະ ປະເມີນຜົນການຈັດຕັ້ງປະຕິບັດ ໃຫ້ມີຜົນສຳເລັດ;

23. ພັດທະນາດ່ານ ແລະ ກໍານົດດ່ານກວດກາສັດຕະວະແພດເພື່ອກວດກາການນຳເຂົ້າ, ສົ່ງອອກ ແລະ ສົ່ງຜ່ານສັດ, ຜະລິດຕະພັນສິນຄ້າກ່ຽວກັບສັດ ແລະ ສິນຄ້າປະມົງພ້ອມທັງກຳນົດຈຸດກວດກາຂອງເຂດປອດພະຍາດສັດ ແລະ ຈຸດກວດກາຊົ່ວຄາວພາຍໃນປະເທດ ໃນກໍລະນີເກີດພະຍາດລະບາດ; ຄົ້ນຄວ້າ ແລະ ສະເໜີຕໍ່ ກະຊວງກະສິກຳ ແລະ ປ່າໄມ້ ກ່ຽວກັບການປະກາດ ແລະ ຍົກເລີກເຂດລະບາດພະຍາດສັດ;

24. ຄຸ້ມຄອງ, ຕິດຕາມ, ກວດກາດ້ານວິຊາການ, ບັນດາທຸລະກິດ ກ່ຽວກັບການລ້ຽງສັດ, ການສັດຕະວະ ແພດ ແລະ ການປະມົງ, ການຂ້າ ແລະ ປຸງແຕ່ງຜະລິດຕະພັນສັດ-ສັດນໍ້າ, ການກວດກາອະນາໄມຊີ້ນ, ການຄວບຄຸມຄຸນນະພາບ ແລະ ຄວາມປອດໄພຂອງຜະລິດຕະພັນສັດ-ສັດນໍ້າ, ອາຫານສັດ, ຢາສັດຕະ ວະແພດ;
25. ຊຸກຍູ້ການຈັດຕັ້ງສະພາສັດຕະວະແພດ, ສະມາຄົມ, ການສ້າງຕັ້ງກຸ່ມ, ສະຫະກອນ ກ່ຽວກັບວິຊາຊີບລ້ຽງ ສັດ, ສັດຕະວະແພດ ແລະ ການປະມົງ ລວມທັງການສ້າງກອງທຶນພັດທະນາດ້ານການລ້ຽງສັດ-ສັດນໍ້າແລະ ການຮັກສາສຸຂະພາບສັດ;

26. ປັບປຸງ ແລະ ພັດທະນາ ໂຄງລ່າງພື້ນຖານ, ວັດຖຸເຕັກນິກ ແລະ ຊັບພະຍາກອນມະນຸດ ເພື່ອອຳນວຍຄວາມສະດວກ ໃຫ້ແກ່ການປະຕິບັດວຽກງານ ໃນຂົງເຂດ ການລ້ຽງສັດ, ສັດຕະວະແພດ ແລະ ການປະ ມົງ, ຊຸກຍູ້ສະໜັບສະໜູນດ້ານເຕັກນິກ ແລະ ວິຊາການ ໃຫ້ແກ່ບັນດາສູນ, ສະຖານີ ຢູ່ຂັ້ນສູນກາງ ແລະ ທ້ອງຖິ່ນ ໃຫ້ມີຄວາມເຂັ້ມແຂງ;

27. ພົວພັນ, ຮ່ວມມື ແລະ ປະສານງານ ກັບຂະແໜງການອື່ນຢູ່ພາຍໃນ ແລະ ອົງການຈັດຕັ້ງສາກົນ, ສະຖາບັນການເງິນ, ບັນດາປະເທດເພື່ອນມິດ, ຄູ່ຮ່ວມພັດທະນາ ແລະ ອົງການຈັດຕັ້ງອື່ນທີ່ກ່ຽວຂ້ອງ ໃນການແລກປ່ຽນຂໍ້ມູນຂ່າວສານ, ສົ່ງເສີມການລົງທຶນ, ການຊ່ວຍເຫຼືອດ້ານວິຊາການ ເພື່ອພັດທະນາວຽກງານລ້ຽງສັດ, ສັດຕະວະແພດ ແລະ ການປະມົງ ໃຫ້ເຂັ້ມແຂງ;

28. ປະກອບສ່ວນເຂົ້າໃນການພັດທະນາ ບັນດາວິທະຍາໄລກະສິກໍາ ແລະ ປ່າໄມ້ ແລະ ໂຮງຮຽນ ທີ່ຂຶ້ນກັບກະຊວງກະສິກໍາ ແລະ ປ່າໄມ້ ພ້ອມທັງສະໜອງ ດ້ານເຕັກນິກ, ວິຊາການ ແລະ ສິ່ງອໍານວຍຄວາມສະ ດວກຕ່າງໆ ໃຫ້ບັນດາສູນ, ສະຖານີ ຢູ່ຂັ້ນສູນກາງ ແລະ ທ້ອງຖິ່ນ ໃຫ້ມີຄວາມເຂັ້ມແຂງ; ຫັນກິດຈະກໍາໂຄງການ, ງົບປະມານ, ເຕັກນິກວິຊາການດ້ານການລ້ຽງສັດ, ສັດຕະວະແພດ ແລະ ການປະມົງລົງສູ່ບັນດາສູນ, ສະຖານີ ຢູ່ຂັ້ນສູນກາງ ແລະ ທ້ອງຖິ່ນ ເພື່ອປະກອບສ່ວນສ້າງສູນ, ສະຖານີ ດັ່ງກ່າວໃຫ້ມີຄວາມເຂັ້ມແຂງ;

29. ສະຫຼຸບ, ລາຍງານ ວຽກງານຂອງຕົນ ໃຫ້ລັດຖະມົນຕີ ຊາບ ແລະ ເພື່ອຊີ້ນໍາ;

30. ປະຕິບັດໜ້າທີ່ອື່ນ ຕາມທີ່ກໍານົດໄວ້ໃນນິຕິກໍາອື່ນ ແລະ ການມອບໝາຍ ຂອງລັດຖະມົນຕີ, ຮອງລັດຖະ ມົນຕີ ຜູ້ຊີ້ນໍາ.

ຂອບເຂດສິດ

1. ນໍາສະເໜີ ຮ່າງຍຸດທະສາດ, ແຜນງານ, ແຜນການ, ໂຄງການ ຈັດຕັ້ງປະຕິບັດວາລະແຫ່ງຊາດ ຂອງກົມ ແລະ ຂະແໜງການ; ຄົ້ນຄວ້າກໍານົດນະໂຍບາຍ, ມາດຕະການໃນການສົ່ງເສີມການຜະລິດພາຍໃນ ແລະ ສົ່ງອອກ; ນໍາສະເໜີມາດຕະຖານລວມດ້ານເຕັກນິກ ແລະ ຄຸນນະພາບດ້ານການລ້ຽງສັດ, ສັດຕະວະແພດການປະມົງ ແລະ ການປຸງແຕ່ງ ຕໍ່ກະຊວງກະສິກຳ ແລະ ປ່າໄມ້ ພິຈາລະນາອະນຸມັດ;

2. ອອກຂໍ້ຕົກລົງ, ອອກແຈ້ງການ, ຄໍາແນະນໍາ, ຄູ່ມືວິຊາການ, ໜັງສືສະເໜີເຖິງ ຫ້ອງການ, ບັນດາກົມ, ສະຖາບັນ ແລະ ຫົວໜ່ວຍວິຊາການລະດັບສອງ ອ້ອມຂ້າງກະຊວງ ແລະ ຂະແໜງສາຍຕັ້ງຂອງຕົນຢູ່ທ້ອງ ຖິ່ນ ເພື່ອຈັດຕັ້ງປະຕິບັດວຽກງານລ້ຽງສັດ, ສັດຕະວະແພດ ແລະ ການປະມົງ ຂອງຂະແໜງການກະສິກໍາ ແລະ ປ່າໄມ້ ໃຫ້ໄດ້ຮັບຜົນສຳເລັດຕາມຄາດໝາຍທີ່ວາງໄວ້ ພ້ອມທັງກວດກາຕິດຕາມ ຊຸກຍູ້ການຈັດຕັ້ງປະຕິບັດ ໃຫ້ໄດ້ຮັບຜົນດີ;

3. ຊີ້ນຳ, ຄຸ້ມຄອງ ດ້ານເຕັກນິກ, ວິຊາການ ຕາມການແບ່ງຂັ້ນ, ແບ່ງຄວາມຮັບຜິດຊອບ ແລະ ແບ່ງສິດຕາມສາຍຕັ້ງໃນການຕົກລົງບັນຫາຢ່າງລະອຽດ, ຈະແຈ້ງ ຕາມກົດໝາຍ ແລະ ລະບຽບການ ທີ່ວາງອອກ;

4. ຊີ້ນໍາ, ຄຸ້ມຄອງ ຕາມສາຍຕັ້ງທາງດ້ານເຕັກນິກ, ວິຊາການ ໂດຍມີການແບ່ງຂັ້ນ, ແບ່ງຄວາມຮັບຜິດຊອບ ແລະ ແບ່ງສິດ ໃນການຕົກລົງບັນຫາຢ່າງລະອຽດ, ຈະແຈ້ງ ແຕ່ສູນກາງລົງຮອດທ້ອງຖິ່ນ;

5. ຄຸ້ມຄອງ, ນໍາໃຊ້ພະນັກງານ ແລະ ຊັບສິນຂອງລັດ ເພື່ອຈັດຕັ້ງປະຕິບັດພາລະບົດບາດ ແລະ ໜ້າທີ່ຕາມຄວາມຮັບຜິດຊອບຂອງຕົນ ຕາມກົດໝາຍ ແລະ ລະບຽບການກໍານົດ;

6. ອອກຂໍ້ຕົກລົງ, ຄໍາແນະນໍາ, ແຈ້ງການ, ມາດຕະການ, ມາດຕະຖານເຕັກນິກ, ຄູ່ມື ແລະ ຂໍ້ມູນຂ່າວສານ ກ່ຽວກັບການລ້ຽງສັດ, ສັດຕະວະແພດ ແລະ ການປະມົງ ໃນຂອບເຂດຄວາມຮັບຜິດຊອບຂອງຕົນ;

7. ອອກ, ໂຈະ ຫຼື ຖອນໃບຢັ້ງຢືນມາດຕະຖານການຜະລິດ, ການປຸງແຕ່ງ ແລະ ການບໍລິການ, ການວິໄຈພະ ຍາດສັດ, ຄຸນນະພາບອາຫານສັດ ແລະ ຢາສັດຕະວະແພດ, ການຢັ້ງຢືນສຸຂະພາບສັດ ແລະ ສຸຂານາໄມ;

8. ອອກ, ໂຈະ ຫຼື ຖອນ ໃບທະບຽນແນວພັນສັດ, ຄລີນິກສັດ, ໃບຢັ້ງຢືນສຸຂານາໄມ, ໃບຢັ້ງຢືນມາດຕະຖານສຸຂະພາບສັດ, ໃບຢັ້ງຢືນເຕັກນິກວິຊາການລົງທຶນດ້ານການລ້ຽງສັດ ຕາມລະບຽບກົດໝາຍ;

9. ສະເໜີລັດຖະມົນຕີ ຮັບເອົາການລົງທຶນ, ການອອກ, ໂຈະ ຫຼື ຖອນໃບອະນຸຍາດດໍາເນີນທຸລະກິດ ດ້ານການລ້ຽງສັດ, ການສັດຕະວະແພດ, ການປະມົງ ແລະ ການປຸງແຕ່ງ; ໃບອຸນະຍາດດໍາເນີນທຸລະກິດສຸຂານາໄມ, ສູນກັກກັນສັດ; ໃບອະນຸຍາດນໍາເຂົ້າສັດ-ສັດນໍ້າ ແລະ ຜະລິດຕະພັນສັດ-ສັດນໍ້າ;

10. ສະເໜີລັດຖະມົນຕີ ອອກ, ໂຈະ ຫຼື ຍົກເລີກ ຂໍ້ຕົກລົງ, ຄໍາສັ່ງ, ຄໍາແນະນໍາ ແລະ ນິຕິກໍາ ຂອງອົງການຄຸ້ມຄອງວຽກງານລ້ຽງສັດ, ສັດຕະວະແພດ ແລະ ປະມົງຂັ້ນລຸ່ມຂອງຕົນທີ່ຂັດກັບກົດໝາຍ ແລະ ລະບຽບການ;

11. ອະນຸຍາດໃຫ້ ຫົວໜ່ວຍວິຊາການ ຫຼື ຜູ້ບໍລິການ ກ່ຽວກັບການລ້ຽງສັດ, ການສັດຕະວະແພດ ແລະ ການປະມົງດຳເນີນການບໍລິການ ແລະ ອອກໃບຢັ້ງຢືນດ້ານວິຊາການສະເພາະໃດໜຶ່ງ ແທນອົງການຄຸ້ມຄອງວຽກງານລ້ຽງສັດ, ສັດຕະວະແພດ ແລະ ການປະມົງ;

12. ສະເໜີປະຕິບັດມາດຕະການ ຕໍ່ຜູ້ລະເມີດກົດໝາຍ ແລະ ລະບຽບການ ທີ່ກ່ຽວຂ້ອງ ກັບວຽກງານລ້ຽງສັດສັດຕະວະແພດ ແລະ ການປະມົງ;

13. ສະເໜີປັບປຸງກົງຈັກການຈັດຕັ້ງຂອງຕົນ ຕໍ່ກະຊວງກະສິກຳ ແລະ ປ່າໄມ້ ກ່ຽວກັບການສ້າງຕັ້ງ, ປັບປຸງ ຫຼື ຍຸບເລີກ ບັນດາກົງຈັກການຈັດຕັ້ງ ທີ່ຢູ່ໃນຄວາມຮັບຜິດຊອບຂອງກົມ ຕາມການແບ່ງຂັ້ນຄຸ້ມຄອງ, ການກໍານົດຕໍາແໜ່ງງານ ຕາມທິດກະທັດລັດ, ເຂັ້ມແຂງ ແລະ ມີປະສິດທິພາບ;

14. ຄົ້ນຄວ້າ, ນໍາສະເໜີແຕ່ງຕັ້ງ, ບັນຈຸ-ສັບຊ້ອນ, ຈັດວາງບຸກຄະລາກອນ, ເລື່ອນຊັ້ນ-ຂັ້ນເງິນເດືອນ, ຍ້ອງຍໍຍົກຍ້າຍ, ປົດຕຳແໜ່ງ, ປະຕິບັດວິໄນຕໍ່ພະນັກງານພາຍໃນກົມ ຕາມລະບຽບການທີ່ໄດ້ກຳນົດໄວ້ ໂດຍປະສານສົມທົບກັບອົງການປົກຄອງທ້ອງຖິ່ນທີ່ກ່ຽວຂ້ອງ;

15. ຮຽກໂຮມພະນັກງານນຳພາ-ຄຸ້ມຄອງ ແລະ ນັກວິຊາການ ໃນຄວາມຮັບຜິດຊອບຂອງຕົນ ເຂົ້າຮ່ວມກອງປະ ຊຸມ ຫຼື ລາຍງານສ່ອງແສງວຽກງານເປັນແຕ່ລະໄລຍະ, ເຂົ້າຮ່ວມງານວາງສະແດງສິນຄ້າກະສິກຳ ແລະ ກົນຈັກກະສິກຳ, ຕະຫຼາດນັດ, ຝຶກອົບຮົມ, ສຳມະນາວິຊາການ ແລະ ລົງເຮັດວຽກຢູ່ທ້ອງຖິ່ນ-ຮາກຖານ, ເຂົ້າຮ່ວມກອງປະຊຸມແລກປ່ຽນບົດຮຽນ ແລະ ການເຈລະຈາ ກ່ຽວກັບວຽກງານລ້ຽງສັດ ແລະ ການປະມົງ ກັບຕ່າງປະເທດ ຕາມຄວາມຮຽກຮ້ອງຕ້ອງການຂອງໜ້າທີ່ວຽກງານ ຕາມທີ່ໄດ້ກຳນົດໃນລະບຽບການທີ່ກ່ຽວຂ້ອງ;

16. ປະຕິບັດສິດອື່ນ ຕາມທີ່ກຳນົດໄວ້ໃນນິຕິກຳອື່ນ ແລະ ການມອບໝາຍຂອງລັດຖະມົນຕີ, ຮອງລັດຖະ ມົນຕີ ຜູ້ຊີ້ນຳ.